不知不覺已經一齊４個月, 是我真的不懂與人溝通, 還是我這疑慮影響？！  

短短的幾個月, 已吵了幾次交~~    

係我不夠愛佢？！    不夠切身處地為佢設想 ？！   或者係我哋唔夠了解大家, 沒有真正用心去認識對方~~  

我自問唔係一個亂發脾氣的人, 當然唔包括小時候未懂事的我~~      我從來只會向親人發脾氣, 唔係向朋友同事發脾氣, 只係因為覺得只有親人可以給我有勇氣去放縱任性的一面, 只有親人有權利可承受我的脾氣及發洩我心中的不快!!!!!!!!             對他, 或者亦因為我已當他係我身邊的某一位吧？！   向他發脾氣, 唔係因為我大小姐脾氣, 唔係我無理取鬧, 係因為我有不滿, 不滿他的某些事, 但每次他都不明所以, 沒有探究真正的原因, 只自已為是的去想. . . . . . . .        不說, 只因為我顧及他的感受, 只因為我不知道應怎樣說, 亦只因為我唔想說出來, 我不是一個喜歡事事說明得坦坦白白的人, 其實我有時候都好討厭自己這些性格~~

遷就對方的比率多與少, 是代表有多愛對方, 有多重視對方嗎？？！！！

適合與否, 是用來判繼是否可以一起的其中一個因素嗎？！

開始了~~  

曾經掙扎過, 曾經深思熟慮, 到最後仍選擇繼續下去, 不是因為渴望拍拖, 不是因為堅持己見的性格, 只是因為真的感受到自己是"鍾意了"的感覺!!!    以往因為害怕受傷, 因為自卑, 因為懦弱, 以為不會有人真正的喜歡真正的自己, 不敢踏出第一步, 一直以為唔會有人令我開啟這道門, 但現在, 我遇上了他, Leo他給了我勇氣, 他竟然可以令我衝破一直以來不敢離開的"房間"~~     

原來nicole 亦同我一樣~~         當知道有人鍾意自己, 第一個反應唔係開心, 而係驚慌、害怕、卻步. . . . .   只會有一種想法:「或者, 没有開始就没有終結!!」     呢個正正係我一直對待愛情的看法及態度!!!           

對於感情, 我從來的不是一個憑感覺了事的人, 甚至係理智得過份, 深思得過份, 從不會因為對方的關心,各種的對待, 因感動而鍾意!!!     只會清晰地分開感動、 感激、鍾意~~        之前亦因為我的理智, 放棄左一段愛情, 我一直希望有一個人, 能令我的"感覺"勝過"理智"~~           不過, 這次, 他的甜言蜜語, 他的關心, 他的遷就, 一齊都令我很窩心、感動、亦同時有實在的感到有鍾意的感覺!!!

已經有６個月冇係度寫嘢la~~~~  

感覺上冇fd 會再入嚟睇, 但最近突然好想寫下, 為日後的自己可以回憶同感受返而留下這些記錄同感受!!

自從離開左WHF 之後, 一直都唔開心, 或者應該說, 經歷離別後, 都冇真正的開心過~~  我知道的確係需要用好多時間令這個愛胡思亂想+憂愁善感的自己去復原的""         以為轉到另一間新的學校, 對返小學的小朋友, 會比較好, 點知竟比之前的更加差, 每次有難題或者唔開心或者好想喊的時候, 就會想起yee 想起以前, 但現在再唔可以似以前一樣, 只可以收埋心裏面, 再胡思亂想.............          不過, 唔知係咪要多謝佢, 我慢慢多左同小咪講, 連以前唔會同佢題的, 現在都有傾, 反而少左嗌交, 又可能daddad 離開後, 小咪"不辭勞苦"擔起左照顧家的角色, 真係辛苦佢!!    

雖然現在係學校仍然好唔開心, 但起碼開始習慣左個"老太"的無理取鬧+神經質, 再加上有班好同事, 當然特別係raymond~~   初初, 知道佢又係叫raymond 真係令我諗起佢, 又回憶起KW 同佢, 傻傻的會想, 唔知同佢有冇D 一樣, 唔知會唔會有相同的事發生, 所以都有留意佢, 或者就係別人說的影子或者情意結?!          點知, 原來佢真係鍾意我?!      不過竟然唔係同佢似, 係同johnny 似, 應該正確地說係同johnny 追我的行為相似, 而且２個結果都一樣, 都係冇感覺. . . . . . .  曾經以為會因為佢, 亦曾對raymond 有好感, 但無奈都係冇, 或者發現同佢真係唔似, 又或者應該話係同johnny 比較似吧~~           真係有趣, 同一時間, 竟然有另一個男仔鍾意我, 都唔知係我幸運還是不幸!!!!!!!!!!     

認識左原來有10年的leo 竟然有日同我講鍾意我, 個刻好似覺得耶穌是想給我什麼提示嗎??!!!           最離奇的, 我之後發覺自己竟然對佢有感覺, 佢係第二個另我有感覺的人~~     我一直好害怕, 害怕對人有感覺, 害怕有期望, 更害怕同一時候被對方鍾意, 是在玩弄我嗎?!        我唔敢踏前, 呢刻我真係唔知應該點做. . . . . . ><"

>> 當局者迷, 是被自己的情感牽引, 理智同分析力正在下降?!

我地竟然忘記咁重要的日子?!  

估唔到農曆竟然有２個四月?!     真係俾佢玩死........

今年"媽媽日"好難就時間, 小貞星期日又要返工

唯有分開2 days 慶祝啦~~