受罪，谷氣，真係赤口！

6點鐘同細佬、爸落樓下惠康行下
爸趕住7點前番家
佢行先排好隊到阿爸(果條隊得佢一個)
我同細佬推緊車係後面黎緊
當我地放左一件我地ge貨去收銀檯度時，有個推車的阿伯插係我地中間
個收銀(女仔，大約20歲度，無載眼鏡，瘦瘦地身材)竟Do個阿伯d貨先
激到我阿爸發火，佢即刻用拳頭落鐵柱到
搞到全場d人望住我地，咁都算
到個收銀竟在收完個阿伯錢
但果時阿爸嬲到轉身走
走時同呆企係條隊ge我地講「你地自己俾錢la，我無眼睇」
個收銀即時將我地放係傳輸帶上的貨拋番去我地架車度
我望住佢，佢話「係咪你地俾錢呀？」
因為我地無錢係身，唯有離開條隊
期間阿爸又番人黎，見到我地仲未掃貨
又嬲到大力打鐵柱後又行開左
咁我地咪唯有再排過，排番同一條隊
但果時有好多人
搞到阿爸第3次番黎見到時又破口大鬧我地令佢遲番屋企
我地受左好多氣，我忍唔住講係個收銀將我地放係傳輸帶上的貨拋番去我地架車度
佢就話要見經理，個收銀收緊其他人客錢時聽見都有望過下
但無幫我地叫經理又無say sorry
我咪同爸講叫佢唔好怪我地，當讓下年紀大的人
點知我前面的婦人聽見話「小姐，我讓你先la」
可能佢誤會我話佢年紀大，其實我係講個阿伯
不過當時風頭火勢，無解釋番咁多
番到家，阿爸話我地當時無當住個收銀鬧佢
仲因為呢次係好無理的服務
搞到佢高血壓上升
叫細佬打電話complain
就算於我地無益，都挫下個收銀的銳氣(爸話佢好o靚妹，唔熱誠工作)
細佬無膽打
阿婆又話佢咁細個唔識個
大佬，我打埋出黎la，爸想細佬練下膽
我先唔打，阿婆話我讀大學都唔咁講la
好，我打
點知個經理口上就講左好多sorry
但就明顯知佢好包庇佢屬下
我未講哂個情況，佢就話我順利買到野就得la
又話會叫d收銀態度好d
我就問番佢你知我講邊個收銀咩？
因為我地成日去開，其他人無乜問題
係呢個新黎的有問題
點知個經理叫我地俾新人機會
我地唔係話唔俾新人機會，只係想佢多d留意下je~
我覆番阿爸聽，阿爸覺得果個經理都有d問題
今日真係鬧交日，諸事不宜！
連累阿爸話我下次咪再叫佢出去買野