大龜...對唔住呀!! 收工返到屋企,見到地下有d野,望真d原來係大龜,真係好恐怖,嚇到我腳都軟...點解可以咁殘忍??其實大龜好大命,生命力好強,之前2次都冇事,仲記得第一次唔識得咩係皮膚病,攪到細龜死左,但係竟然大龜一d事都冇...真係好好彩!!到第2次,又係我既疏忽...攪到大龜比蕃薯咬,我仲要一開門就踢左大龜一腳,果次我已經成個人癲左咁,一邊鬧一邊幫大龜沖身,真係好痛...除左個心好痛之外,亦都感覺到大龜既痛!!而蕃薯就比我罰左足足一個星期!!自此之後,我更加更加小心安置大龜,比d藥水佢浸,終於又健健康康繼續長大!!但係,今次我真係冇能力去救你啦...我完全失控...好似痴左線咁打吉吉,一邊打一邊鬧一邊喊...好多好多血,點解可以咁!!好討厭...我唔知係討厭吉吉咬死大龜丫?定係好討厭點解蛋媽要將大龜放係張椅到?? 原來一直我都以為買d靚蝦干食,買d靚藥水浸spa,用d靚軟毛牙刷刷背...就係錫佢...但係我冇諗過佢既安全!就算我比人告虐蓄都無可厚非... 其實今年係大龜過第2年既冬天,上年因為佢細個,我怕佢唔識冬眠,我又怕佢凍得濟,所以我買左支暖管比佢...等佢可以過1個暖笠笠既冬天!但今年因為已經大個仔啦,我想佢做返1隻正常既龜,又想睇下佢會唔會生龜蛋,所以我比佢冬眠...但竟然過唔到冬... 其實,我最對唔住既係車厘子,你送比我地果2隻龜都比我養死左...好對唔住...

回顧番2006年, 其實都算係一個不錯的年度, 首先係有人工加, 仲要有13個半月糧... 嘻嘻, 發達啦~~ 仲有, 呀蛋做野又開始穩定...(唔應該叫穩定...應該係搵到!!) 佢終於捱出頭啦!! 不過真係好辛苦先捱到今時今日架!! 最重要係touchwood今年冇咩病痛(算好左架啦!!), so好希望keep it up啦!  

今個X'mas係我第1年同自己朋友交換X'mas present... 嘻嘻... 最enjoy既係洗錢果刻, 但最辛苦既係諗買d咩!! 而我亦都已經收到好幾份X'mas presents, 好鬼死開心呀, 首先有5盒pizza, 仲有ear rings啦, 一粒"超"名貴既水晶啦, 1部motorola k1既電話啦(哈哈, 呢個係annual dinner抽番黎既prize..), 仲有兌現左家姐比我封大利是...真係多謝晒多謝晒!

思覺失調...人都癲啦!!邊個會明白我而家既心情呀??

呢排我真係好忙!!婆婆身體唔好,已經住左醫院2個幾月...我明白,她多活一天就多一天的苦,但有邊個會明白我....人就是自私的,我也不例外!!我覺得很累....累得要命...腦不停的想不停的轉....很想好好的休息...但我不敢睡!!很想哭...有一天,我去跟她聊聊天,她跟我說很痛苦...很想自殺,覺得留多一天就是苦多一天!!我的心真的很痛很痛...我什麼也幫不了她!!我知道那天她願意跟我說這番話是因為沒有其他人在旁...她終於可以釋放!!我真的很自私,我叫她要撐下去....不要讓自己有事!我唔介意日日去醫院睇你...餵你食野...餵你飲奶...只要你肯撐落去...再多的我都肯去做!!