打番日記先=___="



記憶係罪過

時間真係太耐la,,,
我都唔知係自己要忘記定真係忘記左,,,點解之前唔同佢復合
所以上幾個星期,,,我一直以為自己係鬥氣,,所以果時先令大家真正分開,,,
最後初戀又whatsapp講起佢男朋友d野,,,原本都冇乜野,,,
點知佢講左句:算la你都唔明,,你永遠都只係諗自己
因為呢句,,我終於記得果時係佢話佢從來都感受唔到我對佢係點,,
所以我先覺得大家再1齊,,亦只會係大家各自單戀對方,,

不過已經唔會再留戀la,,,因為好多諗法已經逆轉了,,
當生活成為習慣,,就會忘記最初的動機,,,
早前諗住彈琴,,,點知壞左開唔到,,,
真係果刻先回憶點解會彈琴,,,好似俾人催眠左,,突然之間醒左咁-.-"
先記起最初因為佢覺得練琴好悶,,,
為左真正體會佢o既感受,,,所以買琴自學,,,因為只係想感受練琴悶,,,
所以只係背左d位黎彈=.=(其實到宜家都唔識睇譜同埋左右手唔識同時彈=口=)
宜家諗番起以前真係好o徙時間,,
以前不嬲都係覺得"我即係妳,妳即係我",,+上我唔係o係天平上談戀愛o既果類人,,,
所以做過好多野都冇記過o係腦到,,只記得佢對自己好,,
甚至分左手之後果幾年依然以為自己冇為佢做過d咩,,,
當所有記憶番左黎,,,由以前"1心1意"變到係覺得係"犧牲",,,
我就知道呢段戀情真真正正熄滅了=_____="


1個唔熟o既人無lala whatsapp我=.="
只係同佢相處過1個sem,,,
可能曾經經歷過無lala有舊同學搵我,,,
所以感覺好似騙局=.="

不過咁耐都未有入正題,,,可能係我多心la,,,
同埋我好介意人地問我"做緊咩",,感覺就如好似要同佢分享私隱1樣
所以成日都唔想覆佢=.="但佢依然永遠隔1段時間就會whatsapp=口="


呢個月食左2次雞煲,,
上次o係元朗食,,,琴晚就o係MK食,,今次好食過上次,,,
同埋都幾辣,,食到個咀都紅晒,,同埋有甩皮=.="
講起又講,,唔知幾時開始勁鍾意個嘴唇係紅色
以前就覺得女仔嘴唇粉紅色靚,,宜家就覺得紅色好吸引,,愈鮮色愈吸引=____="
亦因為咁,,都開始想自己個嘴唇都係紅色,,,感覺自己好似變態,,haha


之後約左YPY食宵夜,,,本黎我唔會同時約2邊人,,,但諗起上次講過佢想我幾時陪佢,,都會出現,,,
結果YPY等左我好耐,,,但佢地又唔埋單,,我真係好難做
以前,,朋友,,我係按時間認識o既順序黎排重要程度,,,佢地識左差唔多10年la
所以如果係以前我1定由得YPY等,,都唔會掉低佢地-.-"
但係YPY又對我呢個朋友咁好,,真係好難排次序,,佢又1個女仔o係出面危險,,所以最後我都係俾左錢早走=.="
之後:去左元朗食糖水,去左學校附近睇下有咩唔同,公園吹左陣水,同埋俾佢逼我飲左d酒=.="
話說,,,雖然我少飲酒,,,但唔會飲1枝果汁酒+1罐啤酒就醉吧?,,,,成日問我係咪醉=.="
番到屋企,,2點半-.-"

我記得第1次唔開心係REPEAT
果時雖然好痛苦,,但記憶中,,只有人地問起先會講自己o既感覺,,
今次我唔知點解,,突然變到好軟弱,,好想有人分擔自己o既感覺,,

前幾日o既想法,,3年了,,既然放唔低,,不如試下重新開始,,
雖然話重新開始,,,但係對自己心入面個想法係點,,,真係唔知,,
果刻o既決定係如果佢感情生活得唔太好就會介入,,,
所以打算買隻公仔扮人地送俾我,,,我唔o岩再送俾佢,,,約出黎食飯
雖然曾經講過唔會同有拍拖o既女仔出街,,,但已經唔理得咁多了,,
佢o既日記最後update係3月,,,佢o既whatsapp最後online係上年年尾,,
我偷偷地打去佢電話竟然變了男人聲,,,果刻個腦咩都諗唔到,,,
好驚佢係出左咩事,,成個人好似崩潰了,,,
第1次同fd講自己好擔心佢,,,第1次感覺被關心,,,真係好多謝你地

第2日,,,我已經唔知可以做咩,,,唯有憑殘餘o既記憶去到佢屋企附近等
打算只會由5點開始等到12點,,,遇唔上就之後1直等下去等到有1日放棄為止
時間一分一秒過去,,我發現原來有佢屋企電話,,猶豫左1陣就打左過去,,
佢屋企人聽,,原來佢換左電話號碼,,我留低左電話,,
等左陣,,,終於有個電話打黎了,,,
好耐冇聽過佢把聲,,果刻我心情真係唔知點,,大家都講左1陣,,
我想開口的卻沒有講出口,,其實多多少少都感覺到,,
如果有精彩o既新生活,,,我都唔應該再要求過以前那種只有2人的世界,,

唔識形容o既感覺,,,只可以話第1次o係出面哭了,,亦係最清醒,,最任由自己哭的一次,,
整理儀容後,,好想自己1個,,就如一早打算的,,行路到沙灘,,
我果刻好清楚知道一直以黎支撐自己o既係回憶,,係佢叫我"老公,老公"o既甜蜜感覺,,
我想趁未放低呢種感覺去埋最後1次大家相擁o既老地方
亦係果1晚我先知,,原來我地行過晒成個屯門,,,行到每1個地方都清楚咁記得當時o既情形,,
雖然當中我有不少令佢生氣o既情景,,

終於到了,,,果晚月光好圓,,,唔知點解感覺自己好似電影入面,,,果d將自己冰封果幾年,,之後新生咁,,,
呢3年黎,,,我好似完全冇過過咁,,,果種失戀感覺好似前一秒發生咁,,,可能今次真係真真正正意識到自己係單身,,,
亦係果晚開始先正正真真感覺到自己係孤單一個,,,,

YPY真係1個好好好好o既女仔,,我好怕朋友擔心我,,,
但果刻我真係感到肚餓,,雖然冇胃口,,,
所以佢打黎話陪我順便買野俾我食,,我猶豫左1陣竟說"好"
佢陪左我1晚,,,係最悶的我,,因為我果時o既心情唔知可以點令人笑,,,
可能亦係佢第1次見到唔係平時o既我,,,
要佢由元朗特登入屯門送外賣,,,仲要放棄高床軟枕,,,陪我訓沙灘,捱西北風,,,
唔知可以點補償,,,只可以承諾佢以後如果唔開心要人陪,,,我1定會出現,,,無論咩時間,,咩地點,,咩天氣
(宜家諗番)聽上去真係好似咒緊人地咁=.+"


唔知邊日,,第1次叫人陪,,冇錯,,又係叫YPY,,
感覺自己真係好煩,,以前o既自己唔知去左邊,,,1次又1次麻煩身邊o既人,,
原本諗住冇目的咁上車落車,,,無無聊聊咁過1日,,,
但感覺好似會悶親YPY,,,最後改左行程,,,去左海洋公園,,,
之後夜晚食左放題就走了,,,
果晚我元朗行番天水圍,,,
路上1個人都冇,,,路好黑,,,但掩蓋唔到果種感覺,,,
環境好靜但腦海好嘈,,嘈到頭都爆,,

好耐都冇寫日記la,,,
其實感覺好似開始唔需要寫日記咁,,,
之前都試過少左寫日記係因為開始拍拖,,,
覺得呢d回憶係應該用自己個腦去記住,,,雖然到最後有日會逼自己忘記
但宜家呢段時間開始冇乜日記,,,係因為發現人大左好多野都只係雲煙,,
好多野做之前經過修飾,三思而做,,都未必係最真心o既做法
而我亦冇以前咁有太多想法,,,忙忙碌碌咁,,好似冇乜價值去記低佢咁

不過都大概講下之前o既事了,,,
3,4月做了part-time,,番會展,,,發現大部份人目的都只係識女仔

4月尾,,考試極害怕,,
因為最後1個sem近乎放棄狀態,,溫書時好驚要retake,,
但最後成績竟然好過放超多時間o既上2個sem,,
我唔知自己讀書係應該hea讀定係認真好,,不過已經唔需要知,,
因為已經冇諗過再讀=.="

暑假,,,沒有搵工,,,因為我依然做住每年暑假都做o既野,,,
時間從未過得咁快,,翎只限星期1至5,,,星期6,日,,無聊到喊,,
但在他人眼中,,,我是hea住過日子,,,

8月了,,3年了,,,我最後的限期,,亦係第3次限期,,
失戀3年紀念日,,,由"SINGLE but NOT AVAILABLE"轉去"AVAILABLE"
電話亦同時轉左S3了,,,大家都取笑我終於換電話了XD
因為最後1次限期已經唔可以俾自己話捨唔捨得
舊有o既野真真正正上鎖了,,,
其實我宜家好似好冇信心,,,感覺自己已經唔可以好真心咁再鍾意1個人
如果下1個真的係我元配夫人,,我…

做了自己第1份full time job,,,地產
其實唔打算長做,,如果o岩就做落去,,唔o岩就算
因為我覺得人生總要買1次樓,,所以想入去睇下有咩行內黑暗野
果然做了1段時間就走了XD
因為工時太長,,,唔想冇晒時間陪屋企人


9月
呢段時間發生左好多野,,,尤其呢幾日
其實宜家好唔開心,,,個腦充斥太多野
咁就冇左個朋友,,,唔係以前果種因冇聯絡而疏遠,,而係佢做左不能原諒o既野
以前都試過通霄唱k+飲酒,,,但第1次經歷呢d野,,仆街做埋d仆街野,,已經唔想理佢了,,,
慶幸我及時清醒可以制止件事發生,,,

不過其實下次自己都唔好飲咁多,,,雖然係清醒,,但好似好多幻覺咁,,,
每次唔清醒時都好驚會諗起以前初戀既情景,,太多壓抑,,愈唔想接觸,,愈容易湧上黎
果然又回憶了,,1起行街,十指緊扣的感覺,,好實在,,好想再擁抱你多次,,但個心好痛,,我怕虛幻但亦怕哭
無論幾真實,,我都知總會清醒,,3年期限,,我唔應該再留戀過去


通霄了仍然訓唔著,,
個腦不斷諗住佢唔開心個樣,,
耳仔不斷聽到好嘈o既歌,,
身體不斷地發熱,,
思緒凌亂得唔想再理任何事,,

阿愛...生日快樂=]

一生不會忘記的聲音

時日太快,,,無知的小孩一晚長大,,,,
次次打日記都會醒起呢句歌詞-.-"

唔記得呢排有咩特別la,,,
求其打la,,,

最後1個sem la,,,好多變化,,,
除左同CKF&MHY好似疏遠左,,,另一方面就同LCM,LHL,LPH佢地玩多左,,,
日久見人心,,,相處o既時間耐左,,,了解會多左,,,
識左就黎年半,,,時間唔算耐,,,但已經有好多體會,,,,

其實有新o既1堆圈子可以擴闊,,,
如果套入投資學黎睇,,,每一個新圈子有回報亦有風險,,,
最後1個sem,,,已經冇時間再去留意每個人o既性格,,,
唔承擔風險o既方便就係唔好『投資』,,,so呢個sem時間係被節省的,,,

話說某日tea時,,,傾好了以後o既溫書大計XD,,,同之前溫書唔同o既係,,,
最新讀書計劃,,,將會逢星期3 放學後都變左運動日,,,打左波做下運動,,,
已經打左1次羽毛,,1次乒乓,,,黎緊果個星期3打golf,,,因為學校d場太平了,,,so要用盡d設施XD


琴晚元朗唱了K,,,好耐冇一齊傾計了,,,

========================================================
最近唔知點解周圍o既人都轉了smart phone,,,可能係政府果$6,000o既作用呱=.="
而當佢地轉左之後,,,就會叫我轉,,,我都會笑而不語

其實我想轉電話好耐了,,,因為得1000個訊息限制,,,不過果時咁o岩失戀,,,
雖然成日口話要放低,話del晒舊訊息,,,但始終好似有留戀咁,,,
就算o係果段時期,,將所有訊息抄晒出黎,,諗住將所有野『封印』o係本日記到,,,
就可以狠心del晒,,,最後都係落唔到手,,,所以個電話某程度上代表緊我感情狀態,,,
只要仲係single but not available,,,,就永遠都係果部電話=.="