為左同肥玲,蠶豆,阿霞補番生日,我地就去左bbq啦,但是阿霞唔得閒,佢約左人(好失望),甘我地就3個去bbq啦,人人都問有幾多個去,我地都唔好意思咁話3個,個個都好驚訝,點會3個去bbq?不過我地唔係好介意,星期六同星期日,我就同肥玲去過兩個屋邨各間華潤,惠康同百佳去睇下價錢,務求可以以最低價錢去買更多嘅燒烤野食,去黎去去,間間都差唔多價錢,整到我地手忙腳亂,白行好多路,星期六睇好價錢,甘我地星期日就去頌富買啦,我地只係買左錫紙,鐵絲網,油掃(因為得蜜糖),炭精同炭左右等燒烤野,我地感到最愚蠢嘅事就係肥玲話我知嘅,就係去左頌富買炭,整到我抽到死死下,抽到隻手變左型,肥玲仲要到左天澤門口先講,足足由頌富抽到黎酗澤,抽左成20幾分鐘,唉...

我同肥玲約左7點幾去買仲未買嘅野,今日我好早就醒左,成6點15分,跟住繼續訓,仲發左幾個夢 - 有個關於我打籃球,我系咁射,球球都差唔多入晒,好威呀,同圍嘅人都同我打氣,肥玲都系度同我打氣,好happy呀 ←發白日夢  跟住肥玲去買麵包,咁我就醒起漏左部手機係屋企,咁就返番屋企又順便買埋生菜啦,買完之後,我地就搭車去西鐵站同阿欣會合啦.

搭西鐵再轉輕鐵,到美樂落車,我地每人左右手都抽住好多野,好重呀...我全程抽包炭,真系重死我啦,緊系啦,因為無請男仔,d野要我地抽,我地呢次3個人燒,我的想法就系主要要證明無男仔,我都可以bbq.呢次系我第一次起爐,我同肥玲好比心機咁起爐,大約20分鐘左右,我地起到個爐,yeah!我個陣真系好開心呀,甘快就可以起到爐,其實係我心目中都認為起爐系好easy架,不過次次都唔知點解d男仔起爐會甘慢,真系唔明白呀,跟住我地去整理d野食,整完後就即刻燒野食啦.

燒燒下,kelvin和一班友黎左,佢地都系黎bbq,十幾人,黎到先去附近買野,去左好耐,我地都燒左好多野食,佢地幾個男仔都攪唔掂個爐呀,唉..跟住我就幫下佢地,起左少少,但系佢地無炭精,都幾難搞,炭又唔夠,搞左好耐,爐就起左,好開心咁燒,不過佢地炭用左3包,好似無咩錢去買,燒左一陣,咁就去左玩啦,我地只係買左一包,唔可以俾佢地,唔系我地就唔夠燒一日架啦.我地無理到佢地.繼續燒.我地仲以為會燒晒d野食,但最後都差少少.因為無炭燒,剩低包廚師腸,我順便攞埋幾枝叉同呢包廚師腸返屋企,呢日我地汁野同洗野都攪左好耐,所以都幾夜,走個時,肥玲發覺我的兩個肩膀曬傷左,紅晒呀...肥玲條頸都有,佢話好癢,我無咩感覺,摸落去覺好熱姐,不過我地都玩得好開心,下次9月我生日都要去玩玩.^^