今日好鬼死悶啊∼chemas-microsoft-comfficeffice" />>>

唔單止係今日，係日日都咁悶！>>

成個暑假好似無所事事，唔知做乜事好？>>

想做功課，又覺得好悶，做唔到一陣間就忍受唔到啦！>>

想去街，又唔知約邊個去好喔！？>>

唯有對住部電腦啦∼唸唸，都好耐冇寫日記啦，加上之前個個日記板唔知發咩神經，竟然寫唔到日記，激死我啦∼！好彩我仲有呢個，哈哈，值得慶幸！>>

 >>

本來筠宜約我下晝去街，但係我唔知點解拒絕左！明明好無聊嫁！但係我竟然冇去到．．．真係奇怪！！！人真係奇怪既動物．．．>>

 >>

唔知中３會升咩班呢？好多同學都想知！我自己就唔多感興趣啦＞．＜雖然Ａ班同Ｆ班都係精英班，但係我想入Ｆ班多ｄ∼其實都估到嫁啦，照番ＭＩＳＳ講既方法計算，我應該入Ａ班，但係我唔想啊！中１至中３都係Ａ班，好無聊喔！Ａ班話就話係精英班，實情真正讀書既人冇乜，我自己都唔係好認真讀書啦∼有ｄ人好鬼努力讀書，但係點解佢地唔可以考到好成績呢？相反，我自認讀書未夠努力，點解又可以拿到第一呢？呢個問題值得唸唸！呢排同班同學出街，好多人都話想同我一班，一聽到佢地講呢句，我即刻黯住良心虛應：「希望啦！」查實我唔想同佢地一班＜某ｄ人＞，成日痴住晒∼不過有ｄ人就真正當我係ｆｄ，如果佢地咁講，我實開心死啦！>>

 >>

尋日同阿哥傾左好耐，傾到凌晨兩點到啦，想訓覺，點知訓唔著喔∼好無奈啊，於是我又聽ｍｐ３，又睇無聊書，但係訓極都訓唔著，行到ｔｏｉｌｅｔ，點知見到隻小小．．．．小強〔蟑螂〕，嚇死我啊！唔好話仲訓得啦！搞到今日成對黑眼圈出左黎！成個人都冇黎精神，唉．．．．．．變態小強！竟然嚇我．．．>>