今日唔知做乜鬼，成個人好呆滯，做乜野都好似冇黎神氣...唉...! 好悶>>>於是就拿左本中文暑期作業出黎做，點知做唔到一陣就頂唔順，不過都總算做左一篇作文!~~不過用左成幾個鍾，真係好佩服我自己，哈哈~!~
數下日子，暑期得番20日左右啦，真係好快...不過我就係想快d過完!成個暑假貓係屋企唔知做乜好，唔係吃野就係訓覺，當然唔少得開電腦啦!每日循環咁過，唔悶死都發晒霉啦!我先唔想咁啊...嘻!
好想好想快d返學啊，返到學校可以同同學玩，同老師傾計，最好有d野做啦，咁先唔會咁悶啊嘛!記得中2既時候，我身兼女班長同埋班會主席兩項職務，個陣時真係好辛苦，日日都差唔多冇得休息，加埋書法班，合唱團同埋升旗隊咁多樣課外活動，真係玩死我啦!個陣時雖然忙，但係過得好充實，都好過無無聊聊咁過啦!希望下年可以更加精彩d啦!
我而家煩惱緊下年參加咩野課外活動好啊，合唱團就一定要參加嫁啦，因為我係幹事，冇得辭職，要繼續做落去!書法班就應該唔會參加啦，日日都差唔多要練字，好辛苦，次次都要成12點幾先可以訓，所以今年一定唔參加~升旗隊就好好玩，我唔想退，但係我又驚影響學業，真係矛盾啊!
其實我一早就唸過，想參加其他活動，例如廚藝班<有得整野食，好玩啊>，現代舞班，但係下年中3啦，面對中4選科，我係咪應該少參加咁多呢?而且都唔知入唔入到，名額有限啊!算啦，到時先算!
尋日又見到隻變態小強啦，好慘啊!真係想打死佢，但係我又唔敢喔，搞到我日日都膽戰心驚咁過!我阿媽仲要話我聽小強係食得既野，細路仔會食，我的媽呀!個陣時我成個人呆左....................1 分鍾後，先至問我阿媽我地細個有冇食過，好彩我阿媽話冇咋，如果唔係我真係食唔落飯啦!
唉...如果小強從此由呢個世界disappear就好囉!
