我尋日又見到小強啦，而且一見就係兩隻，不過我用水射佢地，之後佢地變左做「落湯雞」，好聽d就係「出水芙蓉」，最後俾我阿媽捉走左，哈哈，真係大快人心啊~
大表姐尋日夜晚打電話黎，叫我地星期六去佢新屋玩，我即刻應承左!真係好啊，唔駛驚無聊囉，而且今個星期三筠宜又約左我去佢屋企唱k，勁勁勁開心!
唸番上個禮拜同阿筠宜同埋d fd佢地去觀塘Neway唱k，唱到我把聲又沙晒，汽水又飲左兩杯，仲係度玩開口中，結果我估中左，俾人罰，真係慘!不過我估唔到原來個個所謂既大懲罰係由電腦出既...個陣時真係嚇死我啊，鬼知道佢會唸d咩野令人意想不到既懲罰咩!點知......真係太令人意外啦!佢話如果我係男人，要買戒指俾女友，如果我係女仔呢...咁就.......等男友買俾戒指俾我!呵呵，笑死我啊，呢個直碘都唔係大懲罰黎既......不過我筠宜就冇咁好運啦，佢俾人罰要飲晒一杯啤酒，可惜我地未夠18歲，所以唔飲得，唯有罰佢飲晒成杯野...哈哈，個日真係好開心!~
今日又係無無聊聊︿於是上網搵論壇，點不知俾我係一個論壇度見到一篇文章，都幾搞野下...佢話原來唔係所有小強都識飛嫁，識飛既小強係有左bb嫁，而且佢地都係女小強!個陣時真係覺得笑又唔係，喊又唔係~我日日見到既都差唔多係識飛既小強喔，咁佢地咪有左bb囉，如果再咁落去，嘩!天要跌落黎都冇我咁慘啦!我屋企要變成小強家庭啦!我唔要啊啊啊啊!!!!!!!我先至唔要同小強一齊生活啊，死左好過!睇黎我要搵d方法消滅晒佢地自得!如果唔係就係我消失囉!