眼見一個曾經對我說不會結婚不會生bb既親人...

竟然今天我去參加她的婚禮...

世上冇奇不有....估唔到今日既佢會選擇左結婚

見到佢咁幸福......我真心替她高興...

雖然佢地係因為有bb先咁早結婚..但係相識2個月就選擇左結婚...

我對呢個新郎哥好滿意...因為唔係人人有bb就會選擇結婚.....認定一生既伴侶...

加上佢對亞姐好好...好愛錫佢...將亞姐放係第一位

呢個姐夫我好滿意

緣份真係好莫名其妙....好像天注定....是你的永遠是你...

今日又比人問到....幾時到你結婚呀...

我只係笑住答...我邊會咁早....冇諗過嫁......

講完呢番話...個心當堂酸哂....有邊個女仔唔想有個愛錫自己既老公....做個有名有份既太太....

除左女強人之外...我真係諗唔到有邊個會唔想....

身邊既好朋友個個都開始有自己既家庭...有自己既生活

而我......都算是有半個家......

一個冇名冇份既家....

呢個家...雖然係辛苦建立出黎...

但係....始終都有日會散....

名份係咪真係咁重要.....我反覆問自己...

比左好多借口自己...同自己講名份一點也不重要....

可惜呃到人始終呃唔到自己個心....

敬完酒番黎...飲左大半杯紅酒...坐係佢身邊..問左佢一條問題...

如果當初你唔係借左d錢比人...會唔會同我結婚.....

佢答我....唔好諗咁多....借唔借錢冇關係.....

之後我地終止大家既對話...

其實我只係想問佢..你有冇諗過同我結婚....

點知佢咁答我....咁算唔算逃避呢.............哈哈(苦笑)....

 或者佢唔係我要等既人...唔會有將來.....就算真係結到婚都終有一日都會分開.....

只好咁同自己講.....起碼個心好過d.....

 到底仲有幾個多有緣冇份既人會出現係我生命中....

到底我仲要傷幾多次....先得到真正既幸福....

身心都好累....

或者我呢一生....本應一個人過....身邊唔需要伴侶....

如果唔係傷害只會日積月累....直至到死既一刻.........

 好灰............灰到再打d咩...都唔再出現一點點色彩........

就比自己好好咁大喊一場...........

喊過後......從此..........唔再諗......將來.........