估唔到又會用返呢個日記，咁又係o既，同xanga 相比，呢個始終係我o既天地，一個唔係人人都會入得到o既diary，對我黎講係最好不過，最少...有d 我唔想比人知o既野唔會出到街，都唔怕將要講o既野講出黎嘛.....

早幾日睇一個專輯，講催眠治療o架，睇落去呢個不失為一個好好o既方法，對同我同類o既...."病人" 黎講... 原則上我係無病o架，只不過...我諗我真係要重整一下我o既潛意識，我要同個被訪問者一樣，將我o既潛意識由黑變白.....

今日又嘈左一次喇，呢期真係多左好多野可以嘈，有時有d 問題比較難解決，我感覺到真係好難解釋佢聽應該點同我相處，even 連自己都唔知.... 我又好難令佢明白得到我o既感覺，or 感受，garry 形容得好o架，一個字 depression.... 用中文你講唔到呢種感覺出黎，但我真係好想話，好多時就係depression 一種感覺佔據左我成個人o既思想，真係少少打擊都可以打敗我，我解釋唔出呢個係一個點o既感覺，但你一味唔好呢樣唔好果樣，真係好多好多打擊..... 你點都唔會體會得到一種驚慌(恐慌) o既感覺，你係可以驚到要緊緊捉住一樣你覺得你信得過o既野.... 睇你都係唔明，除左日日同我講要送謙洋去堆填區之外你仲可以點丫....

我而家諗o既唔係自殺喇，而係一種失落o既感覺佔據左我全個人，知唔知點為之失落?

今日無食dinner，不過有食野，我份人就係咁，一味做反字派，你越叫我唔好做o既野我就壞想做，so 今日你話比我唔食飯，我聽完諗諗下都係唔好咁衰，咁就食左野.... 同今日杯汽水一樣，若果你同我講o既9係叫我唔好飲汽水，而係叫我唔好飲咁多汽水，我估我會下一次先飲....