| by 4號
修改 |
公開 | 不公開 | 刪除 |
今日同琴日一樣上堂，中文堂好快咁上完，我地成班一齊出ok買野飲，飲完返學校上多一半中文，上完出去lunch。
同平時一樣去左金富，去到叫晒野食，跟住我先記得冇叫野飲，同第二個伙記講「唔該~頭先冇叫到野飲...我要凍奶茶。」
「得~咁佢地呢」
「佢地叫左喇」
「叫左姐係唔洗落單啦~妖！」
我呆左陣「下？」
佢好火咁答「叫左呀ma！叫左就唔洗再叫啦~咁麻煩ga你！」
我好無奈咁叫返佢「佢地落左，得我果張要落呀」
佢冇理我...
心諗：『唔落單未唔落單囉...最多未唔飲...』
約5分鐘~~
食食下飯...佢無啦啦走埋黎鬧我「你讀屎片ga！唔該都冇聲！」因事出突然，我冇聲出...呆左...跟住成班同學都和應話我讀屎片，爆無奈...最醒目就係唔出聲當聽唔到。
過左陣~~~邦邦同鉅鉅話「今時今日咁既服務態度係唔得ga！」跟住佢掉左杯凍奶茶比我再同我講「讀屎片就讀屎片啦~咪撚嘈啦！梨度係茶餐廳咋！你估高級餐廳丫！？」又過左陣~~~我班fd同佢講話我唔係讀屎片，佢問我「咁你讀咩呀？」跟住另外個伙記走埋黎問咩事...佢答「冇~我話佢讀屎片，梨條油話佢唔係，我問佢讀咩佢又唔應我...」
無奈~~邊有出聲呀我=.= 唉~~繼續唔應...幾經辛苦終於食完晒野，返到學校上埋chem返屋企...唉~要努力d！下年拎住會考成績同佢大聲咁講「我唔係讀屎片！」
0 Comments »
| by 4號
修改 |
公開 | 不公開 | 刪除 |
簡單流程
12:05a.m. 漫畫展[彭彭、禧]
03:00p.m. 離開漫畫展
05:00p.m. 青衣第一次約滿滿
05:35p.m. 睇龍虎門
08:00p.m. 返家
今日一早起身約左彭彭、禧&佢個fd 去漫畫展，禧死都話要87d搭船，on嘟嘟=.=我同彭彭彩佢都傻啦~係就係比7~8蚊，但係要搭多成粒鐘，傻既咩~？[11點15分]我地出發先...
[12點05分] 我同彭彭到左先，禧仲係佐敦，所以我同彭彭去m記食lunch，點知排排下隊撞到於雞同皮蛋，美美都黎埋，一齊食完就入左去會展中心。未到門口已經失散左lu...得返我同彭彭行。行左幾個圈排隊入去睇漫畫，禧打黎話佢到lu[大約1點半]，佢話要去門口等佢，我地話唔好...因為排緊隊ma，所以佢黎搵我地。等等下又打黎問係邊，講完過一陣又打黎，如事者4至5次(佢咁大個人都唔識路-.-)，電話費平咩？頂唔順講左句『仆...』，都未講完前面有兩個女仔，其中一個好兇咁望住我，講噪口都唔比-.-跟住冇晒心機比左彭彭聽，彭彭都爆左幾句噪口，就係咁我地就搞到前面右邊個女仔要晒多幾分鐘望住我地兩個男仔喇XD。禧黎到彭彭唔比佢打尖，所以佢話出口等。又排隊....排到去轉彎位，點知原來彎位入面係打蛇餅=.=望下望下，發現原來前面左邊果個女係都幾靚下，不過隔黎果個都幾多人驚下，又用兇狠既眼神望望我-.-望下都唔比咩...我feel到佢地係果d成績超好又唔講噪口既乖學生黎。
[大約1點50分]等左陣終於入得，入到去睇左好多漫畫都唔岩心水，睇睇下見到有一對男女係d書前面搞野-.- (彭彭面對我背住佢地睇唔到)個男係咁揸個女個波，個女係到叫－－變態ga！咁多人都係到搞...點知比個女發現左￣▽￣〣Be住我-.-我be返佢=.=佢條仔即刻拖走佢。跟住彭彭都唔知發生咩事-.-我地行多陣終於走出漫畫店，禧又打左好多次電話黎...好似頭先咁唔識路。行左幾個卷...行行下彭彭同我地講完野轉頭果陣有兩個女仔同佢笑...嚇死佢囉XD。跟住睇人地打cs，禧同彭彭話下年一齊打=.=我咁廢...算吧~到時先算。跟住我地晒ban lu，禧返歸，我同彭彭約左滿滿去青衣睇龍虎門，去到等左佢一陣，彭彭無啦啦呆左望住我同望住後面，哇！我同滿滿着埋同一件衫XD，真有緣...話咁快睇完，順便講下啦...龍虎門都算ok，開頭幾好睇，不過後面講得太快，好似趕收工咁。人物造型唔掂，王小龍d頭髮阻住晒成塊面都睇唔到－－成套戲剩係識話王小虎係廢柴，不過我都幾鐘意佢d功夫。套戲都有d搞笑...
返到屋企問彭彭借左5本書同魔力5.0 DVD，跟住返屋企lu。即刻玩魔力，比家姐同小夜分屍－－ac空了‧‧‧
0 Comments »
| by 4號
修改 |
公開 | 不公開 | 刪除 |
的士就黎走lu~今日係last football match。星期三果場已經撞親條腰，屈親隻腳，流晒血勁痛，但係話晒最尾一場...梗係要去！
本來book左1-3，提早左12點去到踢，去到笠左半個場踢，搓下波，射下龍。而家先發現我射波飛機，砍波唔起=.= 成個廢人咁囉~跟左佢地上左1分鐘既課...實習下lu。
踢踢下碌左出球場比車車爆左-.-" 跟住一齊出錢買左個波返黎，點知比人踩場，仆街！1點我地明明book左場，同佢地講佢地話踢到一點半，我頂你個肺！你講一句踢到1點半我地就比你，咁我地果半個鐘點算？我地book場黎就咩？跟住成班同個睇場既阿姐講叫佢講mic趕佢地走，點知阿姐淆底，仆街！真係想走出去同佢地班人講數，不過人地廿幾人，個個紋身又大隻，我地十幾個學生點夠講數－－+雖然話學過下拳姐，但係我都冇信心打贏一件，更何況廿幾件-.-無奈地各阿姐講數，佢又打比LI個又打比果個，最後話延長比我地，o嘴囉............等左半粒鐘佢地終於走左。
上半場做龍門，一開波阿樹就由左邊沖左過黎，冇人睇佢-.-正想出去搶波果陣比佢一笠就笠死左-.- [ 1:0 ] 無奈~~跟住混戰左一場，唔知邊個帶左波上黎係禁區摟波，彭彭上去睇佢，點知唔掂，我諗住上去攞波啦~點知唔夠快比佢傳左比阿樹，冇lu~ [ 2:0 ] 唉~失敗....我好失敗！
跟住的士同具具諗到好計~由後防帶到上去入波-.-唔知咩事咁就入左3球，果段時間我係咩都冇做過... [ 2:3 ] 完上半場...休息再戰，同埋轉人。
訓練！P.K.戰~第一球飛左上太空=.=第二球飛左去大西洋。跟住佢地教我點踢，第三球見到b仔企左右邊，輕輕地波碌去左柱撞入左！第一球P.K.入波呀！跟住具具守，地波點可能入到丫。諗住射死角，點知真係射倒！不過差少少-.-撞柱彈出。第五球，見到守果個都幾矮，一射射到靚位！佢一定掂唔到波...點知撞柱=.= 好明顯有好大進步啦~只不過我係柱男姐>.<
跟住佢地話由頭計~我轉左踢側中場@@好正！我地係咁入波，我救左好多波！就係咁好快就 [ 4:0 ] 踢踢下的士比人勁遠笠死左(好似我果球咁-.-)，佢跳果陣整親隻腳，又抽根=.=扶左佢出場邊，我就龍門，打少個。有一球沙特勁射，我飛身...點知邦邦撞射，個波極速咁飛......出界，真好彩~~~另一球又係沙特轉比邦邦，但係細力左，空晒，所以我沖出去飛鏟...救左lu。好險~~就係咁守左陣終於完場。Last match算係咁啦，一年後我一定要勁過的士！
0 Comments »
| by 4號
修改 |
公開 | 不公開 | 刪除 |
一早睇完波...睇到施丹頂人個肺拎左張紅牌。返到學校問呀sir我升唔升到班，兩個都唔理我。跟住去左hall搞mass。傾左陣就完左，放學返屋企。睇睇下電視呀媽打黎話班主任打比我呀爸話我兩科主科唔合格要留班。我頂佢！今日成日都唔話我知，係要打比我呀爸叫我呀爸話我知，你仆唔仆街左d？
諗左好耐...如果我升到班但係要去e班，我諗住跳樓死左佢算~唉~打定遺書啦...
「唉~其實我都冇咩留戀...呀爸呀媽成日剩係識得鬧我，口就話為我好，但係我feel唔到囉。
最唔後悔就係我錯過左一段愛情，識左個靚女話唔介意我靚唔靚仔，不過我拒絕左...有d後悔囉。
最唔甘心係我好多野都好用心做，但係功就比人攞晒，我唔mind既，但係有事就入晒我數。
最希望我唔係li個時代既人，起馬去參軍都好過我而家自殺...唉~~~最好梗係拎住刀槍上戰場殺敵，起馬死左都叫做為國家戰死，而家既我咩成就都冇...咁就要死~唉~~~
最好既朋友...我都唔知邊個係...F1至F3冇人個係人黎，豬朋狗友見高拜見低踩。算好既就係網上d fd囉，算朋友既有 火炎~樹雨~小夜~天樹~小兒」
希望你地唔會係報紙見到我啦=.=
0 Comments »