今日同琴日一樣上堂，中文堂好快咁上完，我地成班一齊出ok買野飲，飲完返學校上多一半中文，上完出去lunch。
同平時一樣去左金富，去到叫晒野食，跟住我先記得冇叫野飲，同第二個伙記講「唔該~頭先冇叫到野飲...我要凍奶茶。」
「得~咁佢地呢」
「佢地叫左喇」
「叫左姐係唔洗落單啦~妖！」
我呆左陣「下？」
佢好火咁答「叫左呀ma！叫左就唔洗再叫啦~咁麻煩ga你！」
我好無奈咁叫返佢「佢地落左，得我果張要落呀」
佢冇理我...
心諗：『唔落單未唔落單囉...最多未唔飲...』
約5分鐘~~
食食下飯...佢無啦啦走埋黎鬧我「你讀屎片ga！唔該都冇聲！」因事出突然，我冇聲出...呆左...跟住成班同學都和應話我讀屎片，爆無奈...最醒目就係唔出聲當聽唔到。
過左陣~~~邦邦同鉅鉅話「今時今日咁既服務態度係唔得ga！」跟住佢掉左杯凍奶茶比我再同我講「讀屎片就讀屎片啦~咪撚嘈啦！梨度係茶餐廳咋！你估高級餐廳丫！？」又過左陣~~~我班fd同佢講話我唔係讀屎片，佢問我「咁你讀咩呀？」跟住另外個伙記走埋黎問咩事...佢答「冇~我話佢讀屎片，梨條油話佢唔係，我問佢讀咩佢又唔應我...」
無奈~~邊有出聲呀我=.= 唉~~繼續唔應...幾經辛苦終於食完晒野，返到學校上埋chem返屋企...唉~要努力d！下年拎住會考成績同佢大聲咁講「我唔係讀屎片！」